ಈಜಲು ತೆರಳಿದ ಮೂವರು ಯುವಕರು ಚೇಲಾವರದಲ್ಲಿ ನೀರು ಪಾಲು

Posted on: October 6, 2014

ಮಡಿಕೇರಿ :

ನಾಪೋಕ್ಲು ಸಮೀಪ ಚೇಲಾವರ ಜಲಪಾತದಲ್ಲಿ ಈಜಲು ತೆರಳಿದ್ದ ಮೂವರು ಯುವಕರು ನೀರು ಪಾಲಾಗಿದ್ದಾರೆ. ಮಡಿಕೇರಿ ಸಮೀಪದ ಬೆಟ್ಟಗೇರಿ ಗ್ರಾಮದ ನಿವಾಸಿಗಳಾದ ರಹೀಂ (27) , ಸಮೀರ್(20) ಹಾಗೂ ಸಾಯಿದ್(19) ಮೃತ ಯುವಕರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಮೃತ ದೇಹದ ಶೋಧ ಕಾರ್ಯ ಚುರುಕುಗೊಂಡಿದೆ.

ಎಲ್ಲೆಡೆ ಬಕ್ರಿದ್ ಹಬ್ಬದ ಸಡಗರ ಹಾಗೂ ಸಂಭ್ರಮೋಲ್ಲಾಸ ನಡೆಯುತ್ತಿದ್ದರೆ ಬೆಟ್ಟಗೇರಿ ಗ್ರಾಮದಲ್ಲಿ ಮಾತ್ರ ಸ್ಮಶಾನ ಮೌನ ಮನೆ ಮಾಡಿದೆ ! ಸೋಮವಾರ ಬಕ್ರೀದ್ ಹಬ್ಬದ ಸಡಗರ ಮುಗಿಸಿದ ಮಡಿಕೇರಿ ಸಮೀಪದ ಬೆಟ್ಟಗೇರಿ ಗ್ರಾಮದ 7 ಮಂದಿ ಸ್ನೇಹಿತರ ತಂಡ ನಾಪೋಕ್ಲು ಸಮೀಪದ ಚೇಲಾವರ ಜಲಪಾತದಲ್ಲಿ ಈಜುತ್ತಿದ್ದಾಗ ಮೂವರು ನೀರಿನಲ್ಲಿ ಮುಳುಗಿ ದಾರುಣ ಸಾವನ್ನಪ್ಪಿದ್ದಾರೆ. ನೀರಿನಲ್ಲಿ ಮುಳುಗುತ್ತಿದ್ದವರನ್ನು ಉಳಿದ ಸ್ನೇಹಿತರು ರಕ್ಷಿಸಲು ಪ್ರಯತ್ನ ಪಟ್ಟರಾದರೂ ಯಾವುದೇ ಪ್ರಯೋಜನವಾಗಲಿಲ್ಲವೆಂದು ತಿಳಿದು ಬಂದಿದೆ.

ಅಬ್ಬಿ ಜಲಪಾತದಲ್ಲಿ ಪತ್ತೆಯಾದ ಮೃತ ದೇಹ ::::
ಇದೇ ಅ.3 ರಂದು ಅಬ್ಬಿ ಜಲಪಾತದಲ್ಲಿ ಮೃತಪಟ್ಟಿದ್ದ ಯುವಕ ಮಹೇಶ್(24) ನ ಮೃತ ದೇಹ ಇಂದು ಪತ್ತೆಯಾಗಿದೆ.

ಪ್ರವಾಸಿ ತಾಣಗಳಲ್ಲಿ ಸುರಕ್ಷತೆಯ ಕೊರತೆ ::::
ಕೊಡಗಿನ ಪ್ರವಾಸೋದ್ಯಮದ ಅಭಿವೃದ್ಧಿಯ ಕುರಿತು ಮಾತನಾಡುವ ಸ್ಥಳೀಯ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳು ಪ್ರವಾಸಿ ತಾಣಗಳಲ್ಲಿ ಕನಿಷ್ಟ ಸುರಕ್ಷತಾ ಕ್ರಮಗಳನ್ನೇ ಕೈಗೊಳ್ಳುತ್ತಿಲ್ಲವೆಂದು ಸಾರ್ವಜನಿಕರು ಆರೋಪಿಸಿದ್ದಾರೆ.Chelavara-jalpatha

ನಿಮ್ಮ ಅಭಿಪ್ರಾಯ ತಿಳಿಸಿ

Your email address will not be published. Required fields are marked *