ಪಿಕ್‌ಅಪ್ ಜೀಪ್ ಡಿಕ್ಕಿ : ಬಾಲಕಿ ಸಾವು

Posted on: October 7, 2014

ಮೂರ್ನಾಡು :

ಪಿಕ್‌ಅಪ್ ಜೀಪ್ ಡಿಕ್ಕಿ ಹೊಡೆದು ಬಾಲಕಿ ದಾರುಣ ಸಾವನ್ನಪ್ಪಿದ ಘಟನೆ ಎಂ. ಬಾಡಗ ಗ್ರಾಮದಲ್ಲಿ ಸಂಭವಿಸಿದೆ. ಅಸ್ಸಾಂ ಮೂಲದ ಕೂಲಿ ಕಾರ್ಮಿಕ ಮಹಮ್ಮದ್ ಹನೀಪ್ ಹಾಗೂ ರಾಬಿಯಾ ದಂಪತಿಗಳ ಪುತ್ರಿ ರಿಯಾ(2) ದಾರುಣ ಸಾವನ್ನಪ್ಪಿದ ಬಾಲಕಿ. ಬಾಡಗ ಗ್ರಾಮದಲ್ಲಿರುವ ಅರುಣಾಚಲಂ ಎಂಬುವವರ ಕಾವೇರಿ ಎಸ್ಟೇಟ್‌ನಲ್ಲಿ ಪಿಕ್‌ಅಪ್ ವಾಹನದಲ್ಲಿ ಸೌದೆ ಸಾಗಿಸುತ್ತಿದ್ದ ಸಂದರ್ಭ ದುರ್ಘಟನೆ ಸಂಭವಿಸಿದೆ.

ಮೂರ್ನಾಡಿನ ಚಂಪವತಿ ಅವರಿಗೆ ಸೇರಿದ ಪಿಕ್‌ಅಪ್ (ಕೆಎ 12 ಎ 7210) ವಾಹನದಲ್ಲಿ ತೋಟದಲ್ಲಿದ್ದ ಸೌದೆ ತುಂಬಿಸಿಕೊಂಡು ಸಾಗುತ್ತಿದ್ದ ವೇಳೆಯಲ್ಲಿ ವಾಹನ ಹಿಂಬದಿ ಚಲಿಸಿದ ಸಂದರ್ಭ ಹಿಂಬದಿಯಲ್ಲಿದ್ದ ಬಾಲಕಿಗೆ ಡಿಕ್ಕಿ ಹೊಡೆದಿದೆ. ಬಾಲಕಿ ನೆಲಕ್ಕೆ ಬಿದ್ದ ಪರಿಣಾಮ ವಾಹನದ ಹಿಂಬದಿ ಚಕ್ರ ತಲೆಯ ಭಾಗಕ್ಕೆ ತಗುಲಿ ಗಾಯಗೊಂಡು ರಕ್ತಸ್ರಾವವಾಗಿದೆ. ಬಳಿಕ ಮೂರ್ನಾಡು ಸರಕಾರಿ ಆಸ್ಪತ್ರೆಗೆ ಬಾಲಕಿಯನ್ನು ಸಾಗಿಸುತ್ತಿರುವ ವೇಳೆಯಲ್ಲಿ ಬಾಲಕಿ ಸಾವನ್ನಪ್ಪಿದ್ದಾಳೆ.

ಘಟನೆಯಿಂದ ರೊಚ್ಚಿಗೆದ್ದ ಕೂಲಿ ಕಾರ್ಮಿಕರು ಪಿಕ್‌ಅಪ್ ಚಾಲಕ ಕಣ್ಣನ್ ಅವರಿಗೆ ಥಳಿಸಿ ವಾಹನಕ್ಕೆ ಹಾನಿ ಉಂಟುಮಾಡಿದ್ದಾರೆ. ಮಡಿಕೇರಿ ಗ್ರಾಮಾಂತರ ಪೊಲೀಸ್ ಠಾಣೆಯ ವೃತ್ತ ನಿರೀಕ್ಷಕ ಕರೀಂ ರಾವತರ್, ಉಪನಿರೀಕ್ಷಕ ಸುಬ್ರಮಣಿ ಸ್ಥಳಕ್ಕೆ ಭೇಟಿ ನೀಡಿ ಚಾಲಕನ ವಿರುದ್ದ ಮೊಕದಮೆ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Baby

ನಿಮ್ಮ ಅಭಿಪ್ರಾಯ ತಿಳಿಸಿ

Your email address will not be published. Required fields are marked *