ಕುಮಟೂರು ಹುಲಿ ದಾಳಿ ಪ್ರಕರಣ ರೈತನೊಂದಿಗೆ ಸಂಭಾಷಣೆ ನಡೆಸಿದ ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕೆ, ಸಂಕೇತ್ ಪೂವಯ್ಯನವರಿಂದ ಸಹಾಯ ಹಸ್ತ

Posted on: February 22, 2018

001 (7)
ಗೋಣಿಕೊಪ್ಪಲು :  ದ.ಕೊಡಗಿನ ಕುಮಟೂರು ಗ್ರಾಮದ ಬೊಜ್ಜಂಗಡ ಗಣಪತಿ(ಗಪ್ಪು) ಎಂಬವರ ಮನೆಗೆ ಮುಂಜಾನೆ ತೆರಳಿದ ಜೆಡಿಎಸ್ ಜಿಲ್ಲಾಧ್ಯಕ್ಷ ಸಂಕೇತ್ ಪೂವಯ್ಯ ಹಸು ಕಳೆದುಕೊಂಡ ರೈತ ಕುಟುಂಬಕ್ಕೆ 10 ಸಾವಿರ ಸಹಾಯ ಹಸ್ತ ನೀಡುವ ಮೂಲಕ ಕುಟುಂಬದವರ ಕಷ್ಟಗಳಲ್ಲಿ ಭಾಗಿಯಾದರು. ಮನೆಯ ಸಮೀಪವಿರುವ ಕೊಟ್ಟಿಗೆಯಿಂದ ಎರಡು ಹಾಲು ಕೊಡುವ ಹಸುಗಳನ್ನು ಹುಲಿ ದಾಳಿ ನಡೆಸಿ ಕೊಂದು ಹಾಕಿತ್ತು. ಈ ಹಿನ್ನಲೆಯಲ್ಲಿ ಕುಮಟೂರಿನ ಗಣಪತಿ ಮನೆಗೆ ಸಂಕೇತ್ ಪೂವಯ್ಯ ಭೇಟಿ ನೀಡಿ ಹಸು ಕಳೆದುಕೊಂಡು ದುಖಃದಲ್ಲಿದ್ದ ಕುಟುಂಬಕ್ಕೆ ಸಾಂತ್ವಾನ ಹೇಳಿದರು. ಕಾನೂನು ಹೋರಾಟಕ್ಕೆ ಸಹಕರಿಸುವುದಾಗಿ ತಿಳಿಸಿದರು.

ಸ್ಥಳದಿಂದ ದೂರವಾಣಿ ಮೂಲಕ ಮಾಜಿ ಮುಖ್ಯಮಂತ್ರಿ ಹೆಚ್‍ಡಿ.ಕುಮಾರಸ್ವಾಮಿಯೊಂದಿಗೆ ಕೊಡಗಿನಲ್ಲಿ ಹುಲಿ,ಕಾಡಾನೆ ದಾಳಿಯಿಂದ ಆಗುತ್ತಿರುವ ತೊಂದರೆ ಬಗ್ಗೆ ಸಂಕೇತ್ ಗಮನ ಸೆಳೆದರು. ಈ ಸಂದರ್ಭ ಹಸು ಕಳೆದುಕೊಂಡ ರೈತ ಗಣಪತಿಯೊಂದಿಗೆ ಮಾತನಾಡಿದ ಕುಮಾರಸ್ವಾಮಿ ಮುಂದಿನ ದಿನದಲ್ಲಿ ನೊಂದ ಕುಟುಂಬಗಳಿಗೆ ವೈಜ್ಞಾನಿಕ ರೀತಿಯಲ್ಲಿ ಪರಿಹಾರ ನೀಡುವ ಪ್ರಯತ್ನ ಮಾಡಲಾಗುವುದು ಕೊಡಗಿನ ಸಮಸ್ಯೆಗಳ ಪರಿಹಾರಕ್ಕೆ ಕ್ರಮ ವಹಿಸಲಾಗುವುದು ಎಂದು ಗಣಪತಿಗೆ ದೂರವಾಣಿ ಮೂಲಕ ತಿಳಿಸಿದರು.

ಗಣಪತಿ ಕುಟುಂಬವು ತನ್ನ ಜೀವನಕ್ಕೆ ಹೈನುಗಾರಿಕೆ ನಂಬಿದ್ದರು ಮನೆಯ ಸಮೀಪದಲ್ಲೇ ಘಟನೆ ನಡೆದಿರುವುದರಿಂದ ಭಯದಲ್ಲಿ ದಿನ ಕಳೆಯುತ್ತಿದ್ದಾರೆ. ಅರಣ್ಯ ಇಲಾಖೆಯಿಂದ 20 ಸಾವಿರ ಪರಿಹಾರ ನೀಡಿ ತೆರಳಿದ್ದಾರೆ. ಸುತ್ತ ಮುತ್ತಲಿನ ಗ್ರಾಮದ ಜನತೆ ನಮ್ಮಲ್ಲಿಗೂ ಹುಲಿ ದಾಳಿ ನಡೆಸಬಹುದೆಂದು ಭಯದ ವಾತಾವರಣದಲ್ಲಿ ದಿನ ಕಳೆಯುತ್ತಿದ್ದಾರೆ.ಭೇಟಿಯ ಸಂದರ್ಭ ಬೊಜ್ಜಂಗಡ ಕಾವೇರಮ್ಮ, ಬೊಜ್ಜಂಗಡ ಕೃಷ್ಣಕುಮಾರ್, ಬೊಜ್ಜಂಗಡ ಸುಬ್ರಮಣಿ, ಬೊಜ್ಜಂಗಡ ಚಂದನ್,ಮತ್ತಿತ್ತರು ಹಾಜರಿದ್ದರು.

ಅರಣ್ಯ ಇಲಾಖೆ ಹಳೆ ಕಾಲದ ಬೋನನ್ನು ಇಟ್ಟು ಹುಲಿಯನ್ನು ಹಿಡಿಯುವುದಾಗಿ ಹೇಳಿದ್ದಾರೆ. ಹಸು ಕಳೆದುಕೊಂಡು ನಾವು ಕಷ್ಟದಲ್ಲಿದ್ದೇವೆ.ಅರಣ್ಯ ಇಲಾಖೆಯ ಪರಿಹಾರ ಏನೇನು ಸಾಲದು. ಸಂಕೇತ್‍ರವರು ನೀಡಿದ ಹಣ ಸಹಾಯದಿಂದ ಸ್ವಲ್ಪ ಮಟ್ಟಿಗೆ ಅನುಕೂಲವಾಗಿದೆ.
ಬೊಜ್ಜಂಗಡ ಗಣಪತಿ(ಗಪ್ಪು) ಹಸು ಕಳೆದುಕೊಂಡ ರೈತ

ನಿಮ್ಮ ಅಭಿಪ್ರಾಯ ತಿಳಿಸಿ

Your email address will not be published. Required fields are marked *